!عید

!عید

مصنوعی طور پر ہنستے مسکراتے ہوئے سورج کے ساتھ عید بھی ڈوب گئی۔۔۔۔۔۔۔۔!

ان آنسوؤں کے ساتھ جن میں اپنوں کی کمی انتظار اور کھو جانے کا دکھ درد تکلیف شامل ہیں ۔۔۔۔۔ 

جب کوئی عید مبارک کہے ۔۔۔۔۔ دل کو چیر کر خیر مبارک نکالنے میں بہت تکلیف ہوتی ہے۔۔۔۔۔۔۔!

عید تو ہے....اپنی نا سہی اپنوں کی یادوں کی سہی

عید تو ہے...ماضی کے ان لمحوں کی جو حال کو بے حال کر دیتے ہیں

!عید تو ہے....اس مسکان میں جو فقط مسکان نہیں نمی سے تر بھی ہے۔۔۔۔

عید تو ہے....گلے سے لگے ہوئے ان لمحوں کے ساتھ میٹھے درد کی آواز بن کر۔۔۔۔۔۔

!عید ۔۔۔۔۔۔۔۔۔۔

!...آخر گزر گئی 

انسان کو تھوڑا افسانوی ہونا چاہے

زندگی میں ضرورت سے زیادہ پریکٹیکل ہونا بھی نقصان دہ ہے۔ انسان کو تھوڑا افسانوی ہونا چاہے۔ آپ کی زندگی میں کچھ ایسے خواب بھی ہونے چاہیے کہ جب کبھی آپ زندگی کی بھاگ دوڑ سے تھک جائیں تو آنکھیں بند کرنے پر یہ خواب آپ کے اندر معطر احساس پیدا کریں۔۔

وفا دیمک بن کر جنہیں چاٹ جاتی ہے

!سنا ہے 

وفا دیمک بن کر

جنہیں چاٹ جاتی ہے

وہ وفاؤں کے پیکر کچھ ایسے بکھرتے ہیں

کہ کرچیوں میں بھی پھر ان کا پتہ نہیں ملتا

 !سنا ہے

کبھی یہ رت ایسے بھی بدلتی ہے

کہ سارے مہرباں لفظ یکدم کہیں کھو جاتے ہیں

 !سنا ہے

جب وجود ریزہ ریزہ ہوتا ہے

تو ٹوٹ پھوٹ بہت بے آواز ہوتی ہے

فقط اک خاموش سا موسم

اک سنسان سا رستہ

اک ویران سی ساعت

اور اک گمنام سا لمحہ

یوں ہمسفر ہوتے ہیں، گویا صدیوں کی رفاقت ہو

!سنا ہے 

آندھیوں کی زد میں آ کر

پھول جو بکھر جائيں

وہ پھر سمٹا نہیں کرتے

کسی پر رنج سی ساعت کا جو نشانہ بن کے کھو جائيں

وہ پھر پلٹا نہیں کرتے

کچھ ایسے لوگ

کچھ ایسے لوگ ، جو خاص اور بہت اہم بھی ہوں ، اور پیارے 

بھی تعریف میں جن کی لفظ نہ ہوں 

تو عام سے لفظ ، ہم لکھیں کیوں ؟

کچھ صفحے ، کچھ سطریں ، کچھ ورق کیوں نہ خالی رہنے 

دیں ؟ 

!اور ایسے پیارے لوگوں کو بس 

!!_____دل میں ہی ہم رہنے دیں

پت جھڑ کی دہلیز پہ بکھرے

پت جھڑ کی دہلیز پہ بکھرے 

بے چہرہ پتوں کی صورت 

ہم کو ساتھ لیے پھرتی ہے 

تیرے دھیان کی تیز ہوا 

انسان حاصل کی تمنا میں لاحاصل کے پیچھے دوڑتا ہے

انسان حاصل کی تمنا میں لاحاصل کے پیچھے دوڑتا ہے

اس بچے کی طرح جو تتلی پکڑنے کی 

خواہش میں گھر سے بہت دور نکل جاتا ہے

لیکن نہ تتلی ملتی ہے اور نہ واپسی کا راستہ۔

میں نے زندگی سے ایک سبق یہ بھی سیکھا ہے کہ

میں نے زندگی سے ایک سبق یہ بھی سیکھا ہے کہ 

کبھی یہ دو ٹوک فیصلہ نہ کرو کہ یہ غلط ہے اور یہ صحیح ہے۔ کبھی انصاف کی کرسی پر براجمان ہو کر فیصلے نہ کرو جب تک تم خود ذاتی طور پر اس تجربے میں سے نہیں گذرتے۔ 

کسی مجرم کو یہاں تک کہ کسی قاتل کو بھی مطعون نہ کرو جب تک تم ان حالات سے آگاہ نہیں ہوتے جنہوں نے اسے مجرم یا قاتل بنایا۔

اگر تم اس کے جگہ ہوتے تو شاید تم بھی ایسا کرتے۔ 

کبھی بھی اپنی ناپسند کو شدید نہ کرو۔

ہوسکتا ہے کل کلاں یہ تمہاری پسند ہوجائے۔

تیری_آواز_کے_صدقے`

اُس کی کال آنے سے پہلے میرے پاس اُسے بتانے کو ڈھیروں باتیں ہوتی ہیں'_

پر جیسے ہی وہ کال پر آتا ہے میرے لفظ ختم ہوجاتے ہیں, وہ بولتا رہتا ہے میں سنتی رہتی ہوں پھر وہ کہتا ہے "کچھ تم بھی بولو" میں کہتی ہوں

"اچھا" وہ کہتا ہے

"کیا اچھا" 

لفظ میرے ہونٹوں پر پھڑپھڑا کہ رہ جاتے ہیں'

وہی کال پر بولتا رہتا ہے' پر پھر جہاں مجھے بولنا ہوتا ہے وہاں وہ مجھے "پہلے میری بات سُن لو" کہہ کر چُپ کروادیتا ہے

پھر اُس کی کال جب بند ہوجاتی ہے پھر میں سوچتی ہوں مجھے تو اُسے یہ کہنا تھا یہ بتانا تھا ایک وہ ہے جس کے سامنے میری بولتی بند ہوجاتی ہے

پر مجھے اچھا لگتا ہے ' وہ بولتا رہے بولتا رہے بولتا رہے'

اُسے خبر ہی نہیں ہے میرا دل وائس ریکورڈر ہے, اُس کے منہ سے نکلا ایک ایک لفظ میرے دل میں کسی مقدس صحیفے کی طرح حرف بہ حرف اُترا رہا ہوتا ہے

میں صدقے اُس کی آواز کے, میں قربان اُسکی آواز کے

کیا کسی آواز کو چھوا جاسکتا ہے,

میں نے, ہاں میں نے اُس کی آواز کو بولتے ہوئے چوما ہے

ہاں میں دیوانی ہوں اُسکی آواز کی'_

-

_ایک پگلی کو بھی عشق ہوا ہے

زندگی بھی عجیب چیز ہے۔

زندگی بھی عجیب چیز ہے۔ جس شے کے پیچھے جتنا بھاگا جائے، وہ ہی فاصلے پر چلی جاتی ہے، اور جس کے لیے کوئی جستجو نہ کی جائے، وہ خود جھولی میں آن گرتی ہے۔ آپ اپنے مقدر کو بدل نہیں سکتے۔

عقل سے کبھی دنیا پر حکمرانی نہ کسی نے کی ہے اور نہ ہی کبھی کوئی کر سکے گا۔ کوئی بھی انسان عقل اور حسن سے نہیں جیتا جا سکتا۔ آپ کسی کو اپنے حسن سے متاثر تو کر سکتے ہیں، اسیر بھی کر سکتے ہیں، مگر زبردستی اسے خود سے محبت نہیں کروا سکتے۔ حسن سے محبت کرنے والے کی محبت بھی سطحی ہو گی

خشوع کا مطلب

وہی لوگ کامیاب ہیں

جن کی عبادتوں میں خشوع ہے 

خشوع کا مطلب ہے 

جب تم الله پاک کی عبادت کرنے آؤ __تو کسی کا دل دکها کے نا آئے ہو__ کسی سے غصہ کر کے نا آئے ہو __کسی سے اونچی بات نا کر کے آئے ہو__ کسی کا حق مار کے نا آئے ہو __حرام کها کر اپنی جان پر ظلم کر کے نا آئے ہو ___الله کی امانت میں خیانت کر کے نا آئے ہو __نبی پاک ﷺ کی شان میں گستاخی کر کے نا آئے ہو __کسی کو بے سہارا تڑپتا ہوا نا چهوڑ کر آئے ہو

خشوع یہ نہیں کہ، تم پهلوں سے لدی ہوئی لچکیلی شاخ کی طرح جهک گئے__ یا مٹی کی طرح سجدے میں خود کو الله پاک کے حوالے کر دیا