دستورِ دنیا کس قدر عجیب ہےدستورِ دنیا کس قدر عجیب ہے

دستورِ دنیا کس قدر عجیب ہے

جو مرجاتا ہے اپنے ہر گناہ سے بری ہو جاتا ہے ایکدم نیک و صالح بن جاتا ہے لوگ مرنے والی شان میں وہ اوصاف بھی بیان کر جاتے ہیں جو اس میں کبھی تھے ہی نہیں کبھی سوچا ہے عموماً لوگ ایسا کیوں کرتے ہیں؟ 

شاید اسلئے کیونکہ مرنے والا بے بس و بے اختیار ہو جاتا ہے وہ پلٹ کر انہیں جواب دینے کی سکت نہیں رکھتا شاید اسلئے جینے والے اسکی حالت پہ ترس کھا کر اسے بخش دیتے ہیں اور سارے عذاب پتا ہے کس کے حق میں آتے ہیں؟؟

ان کے جنکا یہ پریشانیاں، نامساعد حالات، یہاں تک کہ اپنوں کو کھو دینے کے غم بھی کچھ نہیں بگاڑ سکتے وہ دوہری آزمائش میں ہوتے ہیں ایک لڑائی اپنی ذات، زندگی اور حالات سے لڑ رہے ہوتے ہیں اور دوسری ایسے لوگوں سے جو انہیں جیتے جی بخشنے کے روادار نہیں ہوتے پھر ایسوں کو واحد ریلیف موت میں ہی دکھائی دیتا ہے کہ چلو جب مر جائیں گے تب شاید روح ہی سکون نامی بلا سے واقف ہو ہی جائے

آپ فقط مرنے والوں کے حق میں بخشش کی دعا مت کیا کیجئے

جینے والوں کو بخشنا بھی سیکھیں 🙃

اور میرا کیا ہے!!

اور میرا کیا ہے!!

مجھے تو لوگوں کو الجھائے رکھنا اچھا لگتا ہے 

جو مجھے جانے بغیر میرے متعلق منفی رائے قائم کر لیتے ہیں انکے خیالات پہ محظوظ ہونا اچھا لگتا ہے اور انکی رائے کو مزید پختہ کر کے خوشی ملتی ہے

اور میرا کیا ہے!!

میں تو تصورات کی دنیا میں کھو کر کچھ بھی لکھ دیتی ہوں ہو سکتا ہے میری تحریریں پڑھ کر جو کچھ بھی لوگ میرے متعلق جان پائے ہوں وہ محض میرے دماغ کی ایک افسانوی داستان ہو 

حقیقت کچھ اور ہو؟؟

یہ جو ادائے بے نیازی دیکھتے ہو تم

یہ جو ادائے بے نیازی دیکھتے ہو تم

بہت سی ٹھوکریں کھانے کے بعد میری ذات کا حصہ بنی ہے

اور یہ ٹھہراؤ

کئی رویوں کا زہر چکھنے کے بعد میری شخصیت میں شامل ہوا

پراسرار خاموشیوں کا یہ ہنر

میں نے لوگوں پہ اپنے الفاظ ضائع کرنے کے بعد ہی اپنایا ہے

" تمہیں چاہنے کیلئے مجھے تمہاری بھی ضرورت نہیں"

ایسی محبت کرنے کا فن تمہاری بے رخی نے ہی تو سکھایا ہے :)

I didn’t want my picture taken

I didn't want my picture taken because I was going to cry. I didn't know why I was going to cry, but I knew that if anybody spoke to me or looked at me too closely the tears would fly out of my eyes and the sobs would fly out of my throat and I'd cry for a week. I could feel the tears brimming and sloshing in me like water in a glass that is unsteady and too full.

You need to learn

You need to learn how to select your thoughts just the same way you select your clothes every day. This is a power you can cultivate. If you want to control things in your life so bad, work on the mind. That's the only thing you should be trying to control.

When something bothered me

When something bothered me, I didn't talk with anyone about it. I thought it over all by myself, came to a conclusion, and took action alone. Not that I really felt lonely. I thought that's just the way things are. Human beings, in the final analysis, have to survive on their own.

آپ کی " بے چینی " کی ایک وجہ

آپ کی " بے چینی " کی ایک وجہ یہ بھی ہو سکتی ہے ، کہ کوئی دوسرا آپ کی وجہ سے " بے سکون " ہو..

کیسا لگتا ہے جب آپ کچھ لکھنا چاہیں

🧡 

کیسا لگتا ہے جب آپ کچھ لکھنا چاہیں مگر لکھ نہ پائیں؟

آپ کی واحد دوا آپ کے الفاظ جو آپ کی بے چینیوں کو اپنے ساتھ لے جایا کرتے تھے وہ آپ کا ساتھ چھوڑ دیں؟

جب بہترین دوست منہ موڑ لے...

آپ کی بے چینی دور کرنے اور قلم سے جدا ہونے سے انکار کردے

جب آپ اپنے اندر کے انتشار کو باہر پھینکنا چاہیں مگر وہ مضبوطی سے اندر جمے رہنے کی ضد کرے...

جب جذبات کا ایک سمندر آپ کے اندر بپھر رہا ہو اور قلم کی سیاہی خشک ہو جائے،آپ کے آنسو بھی اسے تر نہ کر پائیں...

جب آپ محبتوں کے جواب دینا چاہیں مگر زبان گنگ ہو جائے

جب آپ اداسیوں کو زبان دینا چاہیں مگر وہ گونگی رہنا پسند کریں

جب آپ ساتھ ہونے اور الگ ہونے کے فرق کو بیان کرنا چاہیں،جب آپ دو کیفیات کا محسوس کیے جانا بیان کرنا چاہیں مگر اپنے آپ کو معذور پائیں...

یقینا یہ بے بسی ہے

اور بے بسی کسے پسند ہوتی ہے؟؟

#کراچی #پلین #کریش کے #دو مناظر:

#منظر 1:

جہاز نے جھٹکا لیا اور سب کے دل حلق میں آگئے۔ لوگوں نے دعائیں مانگنی شروع کردیں، عمار نے بھی آیہ الکرسی پڑھ کر دعا کیلیے ہاتھ اٹھا دیے۔ اب کی بار جہاز نے جھٹکا لیا تو ساتھ ہی انجن سے دھواں نکلنا شروع ہوگیا جو اسے کھڑکی سے نظر آنے لگا۔ یہ جھٹکا اسے موت کی ہچکی کا جھٹکا محسوس ہوا، سب بآواز بلند کلمہ پڑھنے لگے، جہاز ایک سمت کو جھکا اور تیزی سے زمین کی جانب آیا اور آبادی سے ٹکرا گیا۔ رن وے صرف چند قدم دور تھا۔ ان چند لمحوں میں وہ زندگی کے ان تمام منصوبوں پر نظر ڈال چکا تھا جن کی تکمیل کیلیے اس نے بہت کچھ سوچ رکھا تھا وہ سوچ رہا تھا کہ زندگی موت سے صرف چند قدم کی مسافت سے ہار گئی، کاش یہ طیارہ رن وے تک پہنچ جاتا۔ شور ہوا اور اس کی آنکھیں بند ہوگئیں ۔ جب اسے ہوش آیا تو وہ ایک ہسپتال میں تھا۔ اللہ نے اسے زندگی دے دی تھی۔

#منظر 2:

نعمان گھر آیا، ہاتھ دھوئے اور نہانے کے بعد کپڑے تبدیل کرکے بستر پر لیٹ گیا۔ اسے سکون تھا کہ باہر پھیلی وباء سے خود کو بچا کر وہ گھر کے محفوظ قلعے میں آچکا ہے۔ اسے سوئے چند منٹ ہی گزرے تھے کہ شوں کی تیز آواز سے آنکھ کھلی، آواز کی بڑھتی شدت بتا رہی تھی کہ کوئی چیز تیزی سے اس کی جانب بڑھ رہی ہے۔ قبل اس کے کہ وہ کچھ سمجھ پاتا، کوئی دیو ہیکل چیز اس کے کمرے کی دیواریں چیرتی ہوئی اندر گھسی اور ساتھ ہی آگ لگ گئی۔ وہ اس دنیا سے جا رہا تھا لیکن اس کو معلوم نہیں تھا کہ اس کی موت کی وجہ کیا چیز بنی۔ وہ سونے لیٹا تھا لیکن اس کو معلوم نہ تھا کہ اس دفعہ یہ نیند ابدی ہوگی۔

زندگی کبھی بھی, کسی کے لیے بھی آسان نہیں ہوتی

زندگی کبھی بھی, کسی کے لیے بھی آسان نہیں ہوتی اللہ پر توکل کا مطلب یہ نہیں کہ آپکی زندگی میں مشکلات نہیں آئیں گی, بہتری کے راستے پر چلنے کا یہ مطلب نہیں کے اب دکھ نہیں آئیں گے, زندگی کا کوئی بھی موڑ آسان نہیں ہوتا مشکلات بھی آتی ہیں اور دکھ بھی ملتے ہیں...! لیکن جب ہم اللہ کی رضا میں راضی رہنا سیکھ لیتے ہیں اور اللہ کے انتخاب کردہ راستوں پر چلتے ہیں تو دکھ میں بھی مزہ آنے لگتا ہے, ہر غم میں سکون ملنے لگتا ہے, کیونکہ دل اس بات پر مطمئن ہوتا ہے کہ یہ اللہ کا انتخاب کردہ راستہ ہے اور اس میں اللہ کی رضا ہے, اور جس چیز میں اللہ کی رضا ہوتی ہے وہ کبھی ہمیں بے سکون نہیں کرتی, اللہ کے انتخاب بےحد پر سکون ہوتے ہیں, پھر چاہے آپ مطمئن ہوں یا نہیں...❤️