Glam Glee Glitter

اللہ جانتا ہے

اللہ جانتا ہے ...

وہ سب جو تمہارے دل پہ گزر رہی ہے ..

وہ سب جو تمہیں پریشاں کررہا ..

وہ سب جس سے تم ہلکان ہورہے ہو ..

وہ سب درد جسکو اپنے اندر چھپائے تم دنیا سے مسکراہٹ کے ساتھ مل رہی ہو ..

وہ سب آہیں جو رات کے پچھلے پہر تمہیں سونے نہیں دیتی اور کہیں اندر بہت کہرام مچائے رکھتی ہیں ..

وہ سب آنسوں جو تمہارے آنکھ کے اندر ہی کہیں دور گھٹتے چلے جاتے ہیں ..

وہ سب جس نے تمہیں گرا دیا ہے ..

وہ سب جس کے لیے تم بےقرار ہو ..

وہ سب جس کی طلب اور تڑپ نے تمہیں کرب میں ڈال رکھا ہے ..

وہ سب جسکو ٹھیک کرنے کی تگ و دو میں تم تھک رہی ہو ..

وہ سب جسکے لیے تم کھڑے ہونے کی پوری کوشش کررہی ہو ..

سنو وہ جانتا ہے وہ تمہارے حال سے بے خبر نہیں ہے

وہ سب ٹھیک کردے گا اسے سب ٹھیک کرنا آتا ہے ..

وہ تمہارا صبر اور خاموشی ضائع نہیں کرے گا ..

تم اسکو یاد کرو اور اسکی رضا میں راضی ہوجاو ..

اور کچھ فیصلے خدا کے سپرد کردیا کرو__

اور کچھ فیصلے خدا کے سپرد کردیا کرو__کیونکہ ہم جب کسی سے بدلہ لینے کی سوچتے ہیں تو کہیں نہ کہیں،کچھ نہ کچھ رعایت برت ہی لیتے ہیں،مگر خدا جب کسی سے بدلہ لینے پہ آتا ہے __ تو یقین کیجئے!

"وہ سارا حساب برابر کرکے رکھ دیتا ہے

دیکھو اللہ نے بار بار فرمایا

تم کیسے اللہ سے مایوس ہوسکتے ہو ہاں

کیا تم نے قرآن کھول کر نہیں دیکھا؟

کیا تم نے نہیں پڑھا اللہ کریم کیا فرماتے ہیں؟

کیا اللہ رب العزت کے وعدے یاد نہیں آتے؟

کیا رب العالمین کے دلاسے بھول گئے؟

اللہ تو کہتا ہے میں ہر لمحے اپنے بندوں کیساتھ ہوں____!!

ان کیلے بہترین سے بہترین چنتا ہوں ۔۔

کیا تمھیں اپنے اللہ کے چناو پر یقین نہیں؟

کیا تمھیں اس کی قدرت پر یقین نہیں؟

کیا تمھیں اس کی تدبیر پہ بھروسہ نہیں؟

کیا دن رات میں ڈھلنے والے معجزے تمھیں نظر نہیں آتے؟

دیکھو اللہ نے بار بار فرمایا

"میرے بندے میری رحمت سے کبھی مایوس مت ہونا"

دیکھو وہ مشکل کشا ہے وہ حاجت روا ہے وہ قادر ہے وہ کن فیکون کا عظیم رب ذوالجلال ہے۔۔۔

پھر تمھیں کونسی بات پریشان کررہی ہے ۔۔

اللہ پہ توکل کرو تو سہی ۔۔۔توکل والوں کیلےہی معجزے ہوتے ہیں پھر تقدیر بدلنے میں لمحے لگتے ہیں بس تم مایوس مت ہونا توکل کی راہ پہ ثابت قدمی سے چلتے رہنا تھامنے والی ذات تمھیں کبھی کسی بھی حالت میں گرنے نہیں دے گی۔

ان شآءاللہ____!!